Gisupak ni Defense Counsel Atty. Sheila Sison ang pagpatin-aw sa House Prosecution Panel bahin sa pagbawi nila sa tulo sa upat ka articles of impeachment batok kang Vice President Sara Duterte.
Matud ni Sison, dili madawat ang mensaheng gipaabot sa publiko nga kalit lang bawion sa prosekusyon ang tulo ka articles of impeachment human sa 38 ka adlaw nga ilang gigahin sa maong trial alang sa pagpresentar og witness ug mga dokumento nga mamahimong makadaot sa reputasyon sa Bise Presidente.
Gipamugos ni Sison nga dili makatarunganon ang maong lakang ug ang pag-ingon nga alang kini sa kaayuhan sa publiko ug sa pagpadali sa impeachment proceedings. (raniel mahunyag)
