CAGAYAN DE ORO CITY-Gidepensa sa Special Investigation Task Group o SITG-Miral ang halos wala pag-irog sa imbestigasyon sa kamatayon ni Napaliran Brgy Kapitan Claver Miral diha sa Balingasag,Misamis Oriental.
Kini human unang gi-ambush patay si Miral sa wala pa gihapon maila nga mga suspek sa utlanang bahin sa lungsod sa Jasaan ug Balingasag niadtong Abril ning tuiga.
Miingon si Misamis Oriental Provincial Police Office Director ug SITG-commander Police Col Rolando Destura nga wala nila hunungi ang pagpangita sa dugang ebedensiya aron masulbad ang kamatayon ni Miral.
Una nang gikonsiderar sa kapolisan ang anggulo sa personal ug trabaho kon nganong gipatay ang biktima.
