Gibarugan sa progresibong grupo nga Bagong Alyansang Makabayan nga nalapas na ang soberanya ug integridad sa teritoryo sa Pilipinas tungod sa yano yano na lang nga pagsulod ug pagtukod og mga pasilidad sa mga sundalong Amerikano sa nagkadaiyang bahin sa nasud.
Matud ni BAYAN Representative Rauf Sissay, gawas sa opisyal nga EDCA site sa Lumbia Airbase dinhi sa Cagayan de Oro, aduna usab silay nadawat nga impormasyon nga nagplano ang Amerika nga magtukod og oil depot sa Davao Region alang sa mga barko ug eroplanong panggubat samtang magbutang usab og counter insurgency hub sa Pagadian, Zamboanga del Sur.
Giklaro ni Sissay nga kining maong mga plano ug proyekto sa militar sa langyaw maoy nagtukmod sa ilang grupo ug sa kabatan onan sa Mindanao nga hugot nga mosupak batok sa Pax Silica.
Gipasalig sa progresibong grupo nga magpadayon ang ilang mga protesta sa kadalanan ug sa social media aron panalipdan ang kagawasan sa nasud batok sa pagpanghilabot sa langyawng pwersa.








