Gipamugos sa Chairman sa House Committee on Agriculture and Food ang dakung hulga nga dala sa grabe hulaw kun ugaling musampot kini sa kakulang sa tubig, gawas sa pagkaon tungod sa nagpadayon nga epekto sa El Niño.
Agig pangandam, girekomendar ni Committee Chairman Mark Enverga ang paggamit sa solar pump irrigation ug dali nga rehabilitasyon sa karaang mga patubig inay nga magtukod sa bag-ong sistema.
Gilauman nga kini makatabang sa paglambo sa produksyon ug pagpanalipod sa mga mag-uuma batok sa epekto sa El Niño.
Una niini, mi-abiso ang magbabalaod nga adunay P20-bilyon nga pondo gikan sa Animal Competitiveness Enhancement Fund nga itagana alang sa modernisasyon ug suporta sa sektor sa livestock ug poultry.
