CAGAYAN DE ORO CITY – Gikasuhan na sa double murder ug multiple frustrated murder sundalo nga miunay pagpatay sa iyang mga kauban samtang mihimo’g pursuit operation sa ambush incident sa Lanao del Sur.
Kini human boluntaryo nga mi-surender si Army Corporal Nao Mohammad Lassam,commander sa CAFGU detachment sa Pagayawan sa Tagum City tungod sa iyang nahimong salaod ngadto sa mga kauban niini niadtong Disyembre 24,2019.
Miingon si 103rd IB,Philippine Army commander Col Jose Maria Cuerpo nga ipaubos nila sa military court proceedings si Lassam samtang atubangon usab niini ang kasong kriminal sa civilian court.
Kabahin sa gipamusil sa suspek gamit ang M4 rifle sila si 1Lt Mark Linne Banua ug Sgt Jhankjihan Carumba.
Hisayrang nangayo’g tabang kaniadto ang PNP Lanao Sur sa militar aron pagdakop unta sa mga suspek nga miambush patay kang Binidayan Police Station commander Executive Master Sgt. Amen Lucman Macalangan ug Ramel Pangcatan apan kalit naglasong si Lassa.
