CAGAYAN DE ORO CITY – Mulusad sa “reporting tour” ang Task force Bangon Marawi kuyog ang Presidential Communications Operations Office (PCOO) Office of the Global Media Affairs ug Philippine Information Agency sugod Mayo 23 ug 24 agig kabahin sa ikaduhang tuig sa pagdumdumon sa Marawi Siege.
Sa mismong adlaw sa pagdumdum, gilaumang muduyog sa pagkaon ang mga Sultans sa Marawi City, ang Sultanate League.
Tumong niini nga madunggan ang ilang laraw alang sa musunod nga tuig.
Madunggan sab ang ilang mga tingog nga maoy nagrepresentar sa mga namuyos sa Marawi City.
Kini nga pagtapok, saksihan sa international media.
