Gikuwestyon sa House private prosecutor nga si Theodore “Ted” Te si Davao City Mayor Sebastian “Baste” Duterte kung unsa kadako ang iyang nahibaloan bahin sa Gencorp Industries Incorporated.
Gikumpirma ni Duterte nga iyang nahisgutan ang Gencorp sa iyang pahayag atubangan sa impeachment court.
Apan sa dihang gipangutana kung pamilyar ba siya sa maong kompanya, miingon si Duterte nga nakaila lamang siya niini human kini nahisgutan sa impeachment court.
Giklaro dayon ni Te kung kutob lamang sa mga nahisgutan atol sa pagdungog ang nahibaloan ni Duterte bahin sa Gencorp.
Mitubag si Duterte og “yes,” nga nagpasabot nga ang iyang kahibalo bahin sa kompanya kutob lamang sa mga impormasyon nga nahisgutan sa impeachment court.
