Mas mikusog pa ang panawagan nga himoog urgent bill ang House Bill No. 11506 o mas naila isip Anti-Fake News and Disinformation Act ni Cagayan de Oro 2nd District Representative Rufus Rodriguez.
Unang gipasa ni Congressman Rodriguez ang balaodnon niadtong Mayo 26, 2025.
Kung maratipikan ni Presidente Ferdinand Marcos, ang balaoid naglangkob sa pagpariso sa mga inbidbiwal nga maoy tigpakatag sa fake news.
Subay sa depenisyon sa balaod, ang fake news gitumbok isip false o misleading information nga intensyonal ug malisyoso nga gipakaylap aron malimbongan ang publiko.
Ang disinformation, sa laing bahin, gitumbok isip false content nga intensyonal ug malisyoso nga gipakatag aron i-manipular ang panghunahuna sa katawhan.
Gawas sa pagkapriso mubayad sa damyos ang mga kombiktado sa balor P500,000 hangtod P2 milyon, depende sa kabug-aton sa kaso.
Miingin si Rodriguez, ang ang balaod nagkinahanglan sa suporta sa Presidente aron mapaspasan ang proseso sa pagpasa niini, tungod kay ang 19th Congress mag-adjourn na sa Hunyo 11, 2025, ug ang 20th Congress magkinahanglan sa usa ka tuig aron maaprubahan ang balaud.
