CAGAYAN DE ORO CITY – Pabilin ang suporta ni kanhi PNP chief Gen Nicolas Torre kang Pres Bongbong Marcos.
Kini bisan nga siya gipapha ni Marcos ug gipulihan ni Police Lt Gen Jose Nartatez Jr aron dili mabakante ang liderato sa pamulis sa nasud.
Namahayag si Torre nga dili bug-at ang iyang buot nga gihukasan sa maong katungdanan apan gi-respeto ang hukom ni Marcos.
Kini tungod kay nagsilbi siya nga suludon nga sundalo rason nga dili na bag-o kaniya ang nahitabo niini.
Hinoon,gitakda kining molalyo una sa trabaho pinaagi sa pagbakasyon ubos sa pagtugot sa bag-ong liderato sa PNP.
Gitakda usab kining mopagawas sa iyang opisyal nga sentimiento kabahin sa nahitabo kaniya sa sunod nga mga adlaw.
Namalibad una kini’g komento kabahin sa gipalakaw nga adunay laing puwesto sa trabaho ang gitagana ni Marcos alang kaniya.
Hisayrang wala ra magtulo ka bulan ang katudluan ni Torre ug gipakalitan kini’g tangtang ni Marcos.
