CAGAYAN DE ORO CITY, Philippines – Suspendido na ang tanan lebel sa pagtungha sa Catanduanes, ning adlawa.
Namahayag si Governor Joseph Cua nga ubos sa Memorandum No. 303’s 2024, wala usab trabaho ang tanan mamumuo sa gobyerno epekto sa paglampurnas sa Super Typhoon Pepito sa ilang lugar.
Base sa data sa probinsya, misaka pa sa 11 ka munisipalidad ang nakahi-agom sa grabeng damyos tungod sa bagyo.
Hinoon sa pagkutlo ning balita, anaa nalang sa Signal no.4 ang probinsya.
Gikalipay ni Cua nga walay natalang patay sa iyang AOR gumikan sa usa ka adlaw nga pagkusu-kuso sa bagyo.
Padayong nakasinati sa energy crisis ang probinsya kay wala pa mabalik ang ilang mga suga ilabe na sa Bagamanoc, Pandan, Gigmoto, Panganiban, Caramoran, ug ubang bahin sa Baras, tungod sa pagkalangkat sa poste sa kuryente.
