Hiniusang nanawagan ang grupong Manibela ug PISTON sa tinood nga rollback sa presyo sa produktong petrolyo, ug sa paglangkat sa excise tax sa tanan produktong petrolyo.
Gikondinar sa grupo kung nganong pinili lamang ang giwagtangan sa excise tax, ug ang lapad nga nanginahanglan sa lana sama sa krudo ug gasolina, wala dungga ang ilang petisyon ni Presidente Ferdinand Marcos Jr.
Ang transport strike nga gipangulohan sa Manibela ug PISTON misugod karong Abril 21.
Namahayag si Manibela President Mar Valbuena nga dili igo ang ginagmay nga rollback sa presyo sa lana ug daghang kompanya ang wala mosunod sa anunsyo sa pag‑ubos sa presyo.
Nagtoo ang grupo nga adunay kapas ang gobyerno nga mapabalik sa P55 kada litro ang presyo sa lana aron maminusan ang gasto sa mga drayber ug operators.
Gisaway usab ni Valbuena ang mga cash ug subsidiya sa lana isip band aide solution lamang sa gobyerno nga hiniktan ang li-og sa mga adunahang kompanya sa lana sa Pilipinas.
