Gitugotan sa Senate Impeachment Court si kanhi Senador Antonio Trillanes nga magpahayag sa gawas sa korte human siya gitagak sa listahan sa mga testigo sa impeachment trial batok ni Vice President Sara Duterte.
Miingon si Impeachment court spokesperson Regie Tongol, dili na sakop sa sub judice rule si Trillanes tungod kay dili na siya partido o testigo sa proseso.
Gipasalig sa korte nga ang mga ebidensya ang basehanan sa mga senador-judge sa paghukom kang Duterte ug dili sa mga “pronouncements” ni Trillanes o uban pang indibidwal.
Gawas niini, gibutyag ni Tongol nga gitugotan gihapon ang prosecution panel nga tawgon si Trillanes isip testigo kung makita nila nga makapalig-on kini sa ilang kaso.
Mahinumduman nga sa iyang press conference, gipadayag ni Trillanes ang alegasyon sa unexplained wealth ug mga transaksiyon nga nalambigit sa pondo gikan sa China
