CAGAYAN DE ORO CITY-Kasuhan sa reckless imprudence resulting to homicide ang bongo truck driver tungod sa kamatayon sa magtiayon sa Brgy Aplaya, Jasaan, Misamis Oriental.
Kini human nabangga ang motorsiklo nga gisakyan sa mga biktima nga sila si Ruel ug Mary Ann Tribunalo, hingkod ang mga panuigon nga taga-Brgy Lower sa truck nga gimaneho ni Pablo Gonzalez.
Miingon si Jasaan Police Station commander Sr/Insp Dennis Ebsolo nga kalit miliko ang truck hinungdan nabangga ang motorsiklo.
Miingon si Ebsolo nga hinoon, gitugyan ni Gonzalez ang iyang kaugalingon aron magpa-kustodiya samtang hulaton ang pagkaso batok kaniya sa piskalya ugmang adlawa.
