Gidepensa ni Misamis Oriental Governor Juliette Uy ang iyang pagpakahilom, taliwala sa grabeng pagsaba-saba sa Sangguniang Panglalawigan sa pagduot sa iyang ngalan ug mi-akusar nga siya nalambigit sa ilegal nga pagmina-mina sa kabukiran sa Misamis Oriental.
Sa Flag raising ceremony nga gipahigayon sa kapitolyo probinsyal, kagahapon, gitin-aw sa gobernador nga dili angay tumpangan ang kampo ni SP Board Member ug Majority Floor Leader Dexter Yasay kay makahurot kini sa panahon ug walay grasya nga musulod sa kapitolyo.
Inay atbangan, gidasig ni Uy ang iyang mga detractors nga mupukos sa trabaho aron magbaton sa maayong kaugmaon ang probinsya.
Iyang gitin-aw nga dili siya “bugok” aron magpahimulos sa ekipo sa probinsya ug mangunay sa pagmina-mina kay dili man taras niini ang magsigeg pangitag bulawan.
Gisumbalikan ni Uy sila SP Board Yasay ug Rommel Magto nga dili niya sibugan bisan dad-an pa nila sa kongreso o senado ang isyu tungod kay ang tinood nga gamina-mina mao ang kampo ni Yasay
