Mitambong si US Presidente Donald Trump ug ang iyang kapikas nga si First Lady Melania sa gilusad nga state banquest sa United Kingdom.
Gi-imbitar ni King Charles III ang presidente sa Amerika alang sa usa ka halangdon nga Royal Banquet sa Windsor Castle, diin gipasiugda ang lig-on nga panaghiusa tali sa United States ug United Kingdom.
Gitawag ni Trump ang maong okasyon nga usa sa labing dakong dungog sa iyang kinabuhi ug giila ang UK–US bond isip usa ka panaghiusa nga walay kapuli.
Sa pikas bahin ang hari sa UK mipalanog sa maayong legasiya sa duha ka nasud.
Ang panihapon gitambongan sa kapin 160 ka dignitaries, royals, ug global leaders, uban sa pasundayag sa Red Arrows jets.
Una niini, gihimo ang ceremonial carriage procession nga giapilan sa kapin 1,300 ka sundalo.
Gihatagan sa espesyal nga gasa si Trump nga replica sword ni Eisenhower, samtang ang royal family naghatag og commemorative book alang sa ika-250 nga anibersaryo sa US Declaration of Independence.
