Gikuwestiyon ni Senator-judge Raffy Tulfo kung ngano walay nahimong aksyon ang Anti-Money Laundering Council (AMLC) sa mga nagbalik-balik nga kadudahang mga transaksyon nga mitumaw sa mga rekord sa ahensya.
Gipamugos ni Tulfo nga kinahanglan unta nga gipangayoan og tubag ang mga nalambigit sa gi-flag nga transaksyon ug pangitaan og mga dokumento nga makapamatuod sa ilang gideklarang economic purpose ang maong transaksyon.
Direkta usab nga gipangutana ni Tulfo kung aduna bay gihimong lakang ang AMLC human sa pagbalik-balik og tumaw sa maong mga transaksyon.
Dugang niini, lakip sa gipangutana ni Tulfo ang bahin sa transaksyon sa Cale88 Foods Corporation nga sumala sa record sa AMLC kay nakadawat og P319 milyon gikan sa China. (raneil mahunyag)
