Gikuwestiyon ni Senator Judge Raffy Tulfo ang testigos gikan sa Securities and Exchange Commission (SEC) nga si Gerardo Del Rosario kung mahimong i-konsiderar nga paglapas sa Konstitusyon ang pag-apil o pagpanag-iya sa usa ka public official sa usa ka kompanya, bisan gamay ra ang porsyento sa shares, ug gipamugos nga “1% or 80% of shares” participation ang gihuptan lang niini.
Sa ika-28 nga adlaw sa impeachement hearing, gikompirmar ni Del Rosario nga ang non-declaration mahimong makalapas sa Article VII, Section 13 sa 1987 Constitution, tungod kay tataw nga nalatid sa balaod nga ang Presidente ug Bise Presidente, gidili nga mulangkob sa negosyo o mahimong financially interested sa mga kontrata sa gobyerno.
Ang isyu nglambigit sa GenCorp Industries Inc., diin giingon nga adunay koneksyon si VP Sara Duterte ug giapil kini sa iyang 2024 ug 2025 SALN, bisan wala makita ang iyang ngalan sa corporate records sa SEC.
Ang GenCorp nakadawat sa 19 kontrata gikan sa Davao City Government nga nagkantidad sa mahigit ₱33.2 milyon samtang si Duterte mao ang Bise Presidente ug ang iyang igsoon nga si Mayor Baste Duterte mao ang mayor.
Ang corporate officers sa GenCorp mao si Kimberly Justin Y. Cruz (President), Ritchie Evet L. Cruz (Treasurer), ug Girley S. dela Cruz (Corporate Secretary), samtang ang JTC Group of Companies nagkupot sa 54.99% shares sa kompanya, nga naghatag sa dako nga impluwensya sa direksyon ug desisyon sa negosyo.
Hisayran nga kini nga mga detalye nagpalig-on sa argumento sa prosekustyon nga bisan gamay nga pagpanag-iya sa shares sa usa ka kompanya nga adunay kontrata sa gobyerno, mamahimo kining conflict of interest ug basehan sa impeachment proceedings batok kang VP Sara Duterte.
