Gidudahang nalambigit ang Iran sa usa ka plano sa pag-atake sa airbase sa United Kingdom, sumala sa gobyerno sa Britanya kagahapong adlawa.
Ang imbestigasyon may kalabotan sa RAF Fairford sa Gloucestershire, England, nga gigamit sa mga bomber aircraft sa Estados Unidos sa ilang mga operasyon batok sa Iran.
Sumala sa mga awtoridad sa UK, gisusi sa mga imbestigador ang maong plano human makit-an ang gasolina sulod sa mga van nga nalambigit sa kaso, apan walay nakitang mga eksplosibo.
Matod ni British Prime Minister Andy Burnham nga posibleng nalambigit ang Islamic Revolutionary Guard Corps o IRGC sa Iran, hinungdan nga nagpahamtang ang UK og dugang nga mga silot batok sa 2 ka opisyal sa Iran ug gipatawag ang embahador sa maong nasud.
Apan, gilimod sa Iran ang pagkalambigit niini, samtang ang 7 ka gidudahang suspek gibuhian ubos sa piyansa ug wala pa mapamatud-i sa korte ang ilang kalambigitan sa maong plano. (jane abulag)
