CAGAYAN DE ORO CITY – Gihupay ni Provincial Gov. Peter Unabia ang kahingawa sa katawhan sa lalawigan batok sa gipakatag nga isyu nga ibaligya ngadto sa kompanyang A Brown Company Incorporated ang kapitolyo probinsyal ug mga yuta nga nagpalibot niini.
Kini human pirmahi ni Unabia kuyog ang mga opisyal sa kompanya ang joint venture agreemnent o JVA aron matukod ang mga istraktura nga inisyal gastuhan sa 2.5 bilyones pesos sugod ning tuiga.
Miingon si Unabia nga miagi sa subsob nga pagtoon ilabina sa pag-preserbar sa kasaysayan ug legalidad ang JVA ayha hingpit naporma ang pinal nga kasabutan.
Siya miingon nga magpabilin ang kapitolyo probisnyal building,walay gasto bisan peso ang gobierno apan iya sa kompanyang A Brown ang pamuhunan aron makakuha’g dugnag kinitaan nga makatubag sa taas nga kaso sa kaprobehan sa lalawigan.
Hisayrang gikonsidera kini sa gobierno probinsyal nga dugang makuhaan sa kinitaan alang sa batakang mga serbisyo sa lalawigan ilabina sa pagkab-ot sa single digit poverty incidence o SDPI nga tinguha sa Unabia administration.
