Gipirmahan ni US President Donald Trump ug Australian Prime Minister Anthony Albanese ang landmark nga kasabutan bahin sa rare earths ug critical minerals aron masiguro ang lig-on nga suplay sa mga materyales nga kritikal sa teknolohiya ug depensa, ilabi na karong panahona nga ang China nagpatuman sa mas hugot nga kontrol sa global supply.
Ang maong kasabutan naglakip sa $8.5 bilyon nga pipeline sa mga proyekto, diin ang duha ka nasud mopondo sa $1 bilyon matag-usa sulod sa unom ka bulan alang sa mga joint ventures sa pagmina ug pagproseso sa minerals.
Gipasabot ni Albanese nga ang kasabutan usa ka lakang sa pagpalig-on sa relasyon sa US ug Australia, samtang si Trump mipasigarbo nga sa sulod sa usa ka tuig, daghan na kaayong critical minerals ang magamit sa US.
Ang kasabutan gilauman nga makatabang sa paglikay sa monopolyo sa China ug pagdani og dugang ethical ug sustainable investments sa sektor.
