CAGAYAN DE ORO CITY – Mahatagan gihapon sa iyang temporaryong kagawasan sa pagka-priso ang van driver bisan namatay ang upat ka tawo ug laing sobra napulo pa ka biktima sa dugu-ong aksidente sa Purok 1,Brgy Mauswagan,Laguindingan,Misamis Oriental
Miingon si Police Master Sgt Jocarlton Trincera,imbestigador sa Laguindingan Police Station nga pulos mapiyansahan ang mga kaso nga giatubang sa drayber nga si Emmanuel Tobias nga naduso nila sa piskalya.
Apan magpadayon ang pagdungog sa mga kaso batok Tobias kay walay nakab-ot nga amicable settlement ngadto sa panig sa pipila ka kabanay sa apektado sa aksidente.
Una nang gitumbok sa imbestigasyon nga driver error ug mechanical defect ang pipila ka rason nga kon nganong mibuto ang preno sa van hinungdan nasungag ang kasugat nga pickup nga gimaneho usab ni Arnold Ebasan.
Hisayrang bahin sa namatay sa maong aksidente sila Bernabe Duque,68 anyos;Reynante Patibig,42 anyos ingo man si Tita Escoro, 61 anyos nga pulos taga-Pagadian City nga sakay sa van ug miapas pagkamatay si Alvin Lomongo,55 anyos nga gikan sa pickup.
