Gipamugos ni Vice President Sara Duterte nga dili siya ang kinahanglang ipailawom sa lie detector test.
Matud sa Bise Presidente, dili siya ang dapat hagiton nga magpailalom sa lie detector test tungod kay aduna kini tubag sa matag affidavit nga gisumiter ni Rodulfo Gracioso Jr. ngadto sa National Bureau of Investigations (NBI).
Gihagit usab ni Duterte nga ipakita ang video sa polygraph test ni Gracioso ug kung giunsa niini pagpasar sa lie detector test.
Dugtong niini, namahayag ang Bise Presidente nga ang isyung angay tutokan kay dili ang lie detector test, apan ang mga bakak nga gipakatag ni Gracioso nga natubag ra usab sa iyang mga affidavit nga makuha sa NBI ang kopya sa hustong panahon. (raniel mahunyag)
