Dili mapugos si Vice President Sara Duterte nga tubagon ang request for admission sa House prosecution.
Matod ni impeachment court presiding officer Senator Chiz Escudero, responsibilidad sa prosecution nga pamatud-an ang ilang kaso batok sa bise presidente.
Dili mahimong ipasa sa prosecution kang Duterte ang burden of proof pinaagi lamang sa request for admission.
Gipasabot ni Escudero nga dili awtomatikong maisip nga giangkon sa respondent ang mga pahayag o alegasyon tungod lang sa iyang dili pagtubag sa maong request.
Busa, kinahanglan gihapon nga pamatud-an sa prosecution pinaagi sa ebidensya ang ilang mga alegasyon batok kang Vice President Sara Duterte.
