Gikumpirma ni Vice President Sara Duterte nga kaniadto consultant sa Davao City Government alang sa poverty alleviation si House Prosecutor Terry Ridon, apan sa kadugayan kay gitaktak matud pa kini gikan sa iyang pwesto.
Atol sa media conference niadtong adlawng Martes, miingon ang Bise Presidente nga gadawat lamang og salapi si Ridon apan wala kini gibuhat nga matud pa maoy posibleng hinungdan sa mga pagbatikos niini batok kaniya.
Matud sa Bise Presidente, gipataktak niya si Ridon gikan sa iyang pwesto tungod kay gadawat lamang kini og salapi, apan walay ginabuhat.
Dungan sa media conference sa Bise Presidente ang impeachment trial sa Senado nga nakatutok sa alegasyon sa unexplained wealth batok kaniya. (raniel mahunyag)
