Gipapha ni Pres Bongbong Marcos isip miembro si Vice Pres Sara Duterte sa National Security Council o NSC.
Kini subay sa gilugwa nga mando ehekutibo numero 81 ni Marcos kay alang kaniya dili na importante ang presensiya ni Sara sa konseho.
Namahayag ang executive secretary ni Marcos nga si Bersamin nga katuyuan niini nga aron mas epektibo ang molangkob sa NSC.
Gawas kang VP Sara,dili na usab miembro ang mga kanhi presidentee sa Pilipinas nga sila Joseph Estrada;Gloria Macapagal Arroyo ug Rodrigo Duterte.
Sa pagkalingkod kaniadto ni Duterte sa Malakanyang, otomatiko niya gihimong miembro sila Estrada,Arroyo ug late presidents Fidel Ramos ug Noynoy Aquino kay gusto niya masayran ug makuha ang ‘best practices’ nga iyang magamit sa pagpadagan sa nasud.
Dumduman nga wala na ilha ni Marcos si Inday Sara nga importante sukad nga mibiya usab kini sa pagka-kalihim sa Department of Education.
Gilayong gisungdan sa imbestigasyon sa kamara ug senado si VP Sara gamit ang isyu sa paggasto sa confidential funds sa Office of the Vice President ug DepEd nga hinatag ni Marcos ingon man suportado kaniadto sa mga magbabalaod.
Hisayrang mas misamot pag-init ang bangi sa duruha dihang giipit na’g maayu sa mga alyado ni Marcos sa kamara si VP Sara diin nakaluwat kini nga ipapatay ang unang pamilya sa nasud.
