Hugot nga gisalikway ni Vice President Sara Duterte ang alegasyon nga gihatagan siya sa mag-asawang Wen Velasco ug kanhi House Speaker Lord Allan Velasco sa duha ka Super Grandia nga van.
Sa press conference nga gilusad sa Office of the Vice President (OVP), gibutyag ni Duterte nga wala siya nakadawat sa bisan unsang sakyanan gikan sa magbabalaod, sukwahi sa pasangi ni dismissed PNP Officer Rodulfo Gracioso.
Dugang pa sa bise presidente nga wala usab siya’y “katiwala” nga nagngalan sa “Kuya Tony” nga giingong konektado sa maong isyu.
Gipamugos ni Duterte nga tataw nga walay basihanan ang mga akusasyon ug kinahanglan nga ipasabot sa publiko ang kamatuoran.
