Posibleng tinuyo ug may sagol politika ang pag-absent ni House of Representative Secretary General Cheloy Garafil. Reaksiyon kini ni Political Science Expert Atty Proculo Sarmen human wala dawata ang duha ka gi file nga impeachment complaint kagahapon. Miingon si Sarmen nga ministerial ang pagdawat sa complaint ug dili kinahanglan nga anaa ang Sec-Gen. Gumikan sa hitabo, mahimong pahamtangan sa show cause order si Garafil kung nganong wala siya sa iyang opisina sa mismong adlaw sa filing, kung buhaton kini sa Ethics Committee sa kamarabaha. Hinoon, gitin-aw ni Sarmen nga maayong opsyon usab nga isaka nila ang ilang impeachment complaints sa korte suprema. Hisayran nga nag sunod sa pag file sa impeachment complaint ang Makabayan bloc sa Kamarabaha ug ang grupong “imPEACH” kagahapong adlawa.
