CAGAYAN DE ORO CITY – Gisugdan na’g pangita sa mga otoridad ang board of directors sa kompanyang Verde Soko Philippines Incorporated nga utok sa paglusot sa kapin usa ka barko nga basura gikan South Korea pasulod sa lungsod sa Tagoloan,Misamis Oriental.
Kini may kalabutan sa kasong pagsupak sa section 13 sa Toxic and Hazardous Waste Act o Republic Act 6969 batok kang Verde Soko President Neil Alburo,Deolita Sabellosa ug Marcelo Ouano Jr.
Laing warrant of arrest batok gihapon sa susamang akusado tungod sa pagsupak sa section 13 (c) in relation sa section 8 sa RA 6969 ang gilugwa ni RTC Branch 39 Judge Marites Filomena Rana Bernales.
Dumduman nga halos 7-mil ka tonelada sa basura ang gipasulod sa mga akusado nga walay permit sa Mindanao Container Terminal sa Tagoloan ning lalawigan sugod Hulyo ug Oktubre 2018.
