MANILA – Gimarkahan sa cause oriented groups ang petsa-12 sa Hulyo isip “West Philippines Day”.
Ang selebrasyon, gidungan sa ika-walo nga anibersaryo sa 2016 arbitral ruling o kadaugan sa gobyerno sa Pilipinas sa sang-at nga kaso batok China, didto sa United Nations Convention on the Law of the Sea.
Unang namahayag si National Security Adviser Eduardo Año nga gihisusama niya ang tensyon sa West Philippine Sea isip away ni David ug Goliath.
Sa pikas bahin, gipalig-on ni Department of National Defense Sec. Gilberto Teodoro nga walay bisan usa ka pulgada sa soberiniya ang mailog sa China gikan sa Pilipinas.
