Gamiton sa Department of Foreign Affairs ang “whole of the nation approach” sa pagtabang sa mga ma-apektuhan nga mga Overseas Filipino Workers sa Israel ug Iran.
Gibutyag ni DFA Undersecretary Eduardo De Vega nga wala’y angay kabalak-an ang mga pamilya sa mga OFWs nga naa sa duha ka nasud tungod kay andam ang mga embahada nga muprotektar ug mutabang kanila sa taliwala sa nagpadayon nga tensyon.
Gihangyo ni De Vega ang mga OFWs nga mupili kung sila gusto mupauli o mulikay sa mga dapit nga duol sa Israel ug Iran, ilabi na sa mga lugar nga apektado sa kagubot.
Kung magdesisyon ang usa ka OFW nga mouli, segurado nga aduna silay madawat nga tabang gikan sa gobyerno, lakip na ang pinansyal nga suporta ug transportasyon padulong sa ilang mga probinsya.
Gipahibalo sa DFA nga aktibo ang mga embahada sa pag-monitor sa kahimtang sa mga Pilipino, ug andam silang maghatag sa temporaryong panalipod (temporary shelter) ug psychological support sa mga na-trauma sa mga airstrike, ilabi na sa Israel.
Hinoon masaligon gihapon ang ahensya nga mahupay pa ang tensyo sa duha ka managbanging nasud
