CAGAYAN DE ORO CITY, Philippines – Kumbinsido si Ukraines President Volodymyr Zelenskyy wala pay nakahan-ay nga laraw ang Estadus Unidos aron mu-entrag kasabutan sa peace talks tali sa gobyerno ni Russian Presidente Vladimir Putin.
Si Zelenskyy kasamtangang mitambong sa Munich Security Meeting sa Germany ug gitakdang makighimamat kang US Vice President Jaydee Vance.
Si Vance maoy emisaryo nga gipadala ni US President Donald Trump aron ipakomitar si Zelensky sa sudlan nga ceasefire talks tali sa Moscow Government.
Sa iyang pag-atubang sa press, walay pagduha duha nga gibutyag ni Zelenskyy nga puro taphaw nga simpatiya ang ilang nadawatan ug walay kongkretong aksiyon aron masulod isip member state ang Ukraine sa NATO.
Una niini, daghang mga lideres sa North Atlantic Treaty Organization ang mibabag sa membership sa Ukraine kay wala kini maabag nga pondo sa ilang organisasyon.
