Nakatabang sa pagpalusot sa huot nga trapiko ug pagpasakay sa mga bisita ang gi-deploy nga 10 ka motorela alang sa libreng sakay sa Bolonsori.
Gibutyag ni Barangay Camaman-an Kagawad Alicia Cabili nga maayo ang dagan sa trapiko sa ilang barangay karong panahona tungod sa paghinay sa dagsa sa mga tawo.
Gipasabot sa opisyal nga ang maong mga motorela gipakatap ni Mayor Rolando “Klarex” Uy aron makatabang sa mga senior ug PWDs padulong sa sulod ug pagawas sa sam-ang.
Nanawagan lang ang buhatan sa uban nga magpabilin ang pailub sa pagbaklay kung dili dayon makasakay sa libreng biyahe.
