Giila sa Bureau of Fire Protection Cagayan de Oro pinaagi ni Chief Intelligence and Investigation Fire Inspector Mary Ranelie Ladrillo Salga nga usa ka dakong innovation sa pagpalong sa kalayo ang inisyatibo sa mga Lokal nga Kagamhanan ug Gobyerno sa pagpamalit og mga mini fire truck nga nagkantidad og 10 million pesos para sa mga barangay.
Gipasabot sa opisyal nga adunay kapasidad nga 1,800 liters ang gipahimutang nga sakyanan nga makabomba og unom hangtod walo ka minuto samtang dali nga makasulod sa mga piot nga dalan ug suok nga komunidad.
Gidugang sa opisyal nga magsilbi nga penetrator ug first responder ang gipagawas nga yunit aron paspas nga maka-akto sa sunog sa mga lokalidad samtang padulong pa ang mga dagkong fire truck sa buhatan.
Tungod sa gipahimutang nga proyekto sa pamunoan, gipamatud-an sa BFP nga dako ang matabang sa maong inisyatibo aron masiguro ang kasipag ug kaluwasan sa mga lumulupyo.
