Giklaro sa spokesperson ni Mayor Rolando “Klarex” Uy nga si Janboy Actub ang rason ngano nga padayon nga naninguha ang dakbayan nga makakuha og loan nga 8.5 billion pesos taliwala sa giisip sa pipila ka opisyal nga dili praktikal kini tungod sa mga COA findings.
Gitin-aw sa opisyal nga ang gipresentar nga taho sa COA pundo lamang nga summary sa tanang financial transactions sa nagkalain-laing administrasyon ug dili timailhan sa pagkawala sa pundo sa dakbayan.
Gipasabut usab ni Actub nga ang mga nalangan nga proyekto sama sa City Library ug Mega Health Center resulta sa kapakyasan sa mga kontraktor ug dili tungod sa pagpabaya sa kasamtangang pamunoan sa syudad.
Dugang pa sa opisyal, ang pagtukod sa bag-ong government complex usa ka long-term nga programa aron makahatag og mas maayong serbisyo ug luag nga luna sa mga taxpayers samtang makaya pa ang presyo sa yuta.-
