CAGAYAN DE ORO CITY – Target sa demolition team nga makaguba’g dugang 100 ka balay sulod sa mga lote nga gimando sa korte nga hawanan kay nagsilbing military reservation sa Camp Edilberto Evangelista,Brgy Patag ning syudad karong adlawa.
Kini nunot sa ikaduhang adlaw nga pagpatuman sa demolasyon nga gilauman sa korte nga malinawon gihapon susama kagahapong adlawa.
Namahayag si 4ID Demolition designate spokesperson Army Captain Abby Lorenzo nga natahasan ang demolition team nga makaguba’g pinakaminus gatos ka bubong kada-adlaw hangtod nga mahuman ang clearing operation sa pag-abot sa Sabado.
Siya miingon nga bisan sila ang nasubo sa kahimtang sa mga apektadong pamilya apan angay usab sundon ang balaod kay aron magami nat alang sa dugang pagserbisyo sa Northern Mindanao-Caraga regions ang maong mga yuta.
Hisayrang 181 ka balay ang naguba sa unang adlaw sa mismong demolition team ug wala pa’y labot niini kadtong nag-boluntaryo na’g guba sa miagi pang mga bulan.
