Wala pa makadawat sa tubag ang Student Council Alliance of the Philippines (SCAP) sa sulat-petisyon nga ilang gipadala sa Department of Education ug sa Commission on Higher Education (CHED) nga nagkuwestion sa ipatuman nga 100% Optional Online class, epekto sa nagsamot nga krisis sa lana ug enerhiya sa Pilipinas.
Sa pakighinabi sa BOMBO RADYO kang Angela Dia-Martin, National Chairperson sa SCAP nga kinahanglan unta konsultahon una sa duha ka ahensya ang mga batan-ong magtutungha kung gusto ba nila ang ipang gipatuman nga palisiya ning panahon sa krisis.
Gi-apelar ni Dia-Martin nga mas maayo nga mupakatag una sa survey ang ahensya inay magbuot kung unsay kagustuhan sa mga magtutungha.
Una niini, gipasbaot sa grupo nga nasayud sila nga nagdaginot sa enerhiya ang gobyerno busa gusto usab nila nga ikibali niini ang paghatag sa internet vouchers sa mga magtutungha, libreng sakay padulong sa tunghaan ug mas barato pa nga pletihan aron mabati nila nga gihatagan sa pagtagad sa gobyerno ang ilang sector.
