Gikumpirma ni Philippine Drug Enforcement Agency (PDEA) Assistant Secretary Renato Gumban ang naa sa 11 ka tawo nga mga persons of interest bahin sa ilegal nga droga nga nakumpiska sa otoridad sa Laos.
Atol sa Press Briefing sa Palasyon kagahapong adlawa, gibutyag ni Gumban nga si kanhi Bangsamoro Transition Authority 1 (BTA1) member Sultan Edrieza Hadji Nasser Rimbang ang nagpondo alang sa operasyon sa 521 ka kilo nga drug shipment nga ipasulod unta sa Pilipinas apan nakumpiska sa otoridad sa Laos.
Dugang niini, ang uban pang nalambigit nga indibidwal nga giapubos na sa imbestigasyon kay si Police Master Sergeant Aileen Jayne Manalo Mendoza nga narelieved na sa iyang pwesto, ug ang giilang operations manager nga si Christian Fabregas.
Sa kasmtangan, padayon pa gihapon ang back-tracking sa ilang ahensya bahin sa maong transaksyon og mipadayag si Gumban nga madungagan pa ang mga persons of interest samtang nagpadayon pa gihapon ang ilang imbestigasyon. (raniel mahunyag)
