Mikalas na sa 13 ka tawo ang presko nga atake sa Russia sa Ukraine.
Gikondinar ni Ukraine’s President Volodymyr Zelenskyy ang hitabo ilabe nga sa milabay’ng semana, mipagawas pa sa pamahayag si Russian President Vladimir Putin nga andam na ang ilang negotiating team nga mupungko aron makigdayalogo sa ilang counterparts pinaagi sa pagpataliwala sa Amerika ug pipila ka miyembro sa European Union.
Gitratar kini nga Zelenskyy nga pinakalapad nga aerial assault sa Russia human 3 ka bata ang namatay sa Zhytomyr region; 4 ang patay sa Kyiv, laing 4 sa Khmelnytskyi region, ug usa ang nakabsan sa Mykolaiv.
Sa pagkutlo ning balita, misumada na sa 60 ka tawo ang samdan sa nagkalain-lain nga rehiyon.
Una niini, gikakurat sa Ukraine ang kalit nga atake ilabe na nga kapin 300 sa 367 attack drone ug missiles ang nasanta sa Ukrainian Army nga mi-atake sa ilang teritoryo, hinungdan nga nahugno ang 30 ka lungsod ug baryo.
