CAGAYAN DE ORO CITY – Mapasayon na sa mga turista ang pagsuroy-turismo sa daghang lokasyon nga puno sa atraksyon nga makita sa Misamis Oriental.
Kini sa higayon nga matibawas na sa hingpit ang pinakaunang Tourist Rest Area (TRA) nga gisubhan nila ni Dept of Tourism Secretary Maria Christina Garcia-Frasco kinuyugan ni Misamis Oriental 2nd District Rep. Bambi Emano,Provincial Governor Peter Unabia ug ubang government officials sa lungsod sa Initao.
Kini nga pinakaunang TRA nga nahimutang sa segundo distrito sa lalawigan ang resulta sa hangyo ni Emano kang Frasco nga iyang gipangayo atol sa pagdungog sa 2023 DoT budget sa kamarabaha.
Unang nangtuna si Emano kang Frasco sa maong budget hearing kon nganong sa kadaghan sa tourist spots sa Misamis Oriental,wala kini maapil sa pahimutanga’g TRA.
Kini ang rason nga nahatagan sa katumanan sa DoT ang hangyo sa kongresista nga maplastar ang TRA sa mismong lungsod diin makita ang Initao–Libertad Protected Landscape and Seascape.
Sa wala pa subli nahimong kongresista si Emano, siyam ka tuig kining nag-gobernador sa probinsya diin turismo ang prayoridad nga programa niini.
Dumduman nga namulong pa ang kongresista kaniadto kang Frasco nga kon kinahanglang ludhan niya aron lang mahata ang TRA sa lalawigan,andam niya kining buhaton.
Ang TRA kabahin sa flagship programs ni Frasco diin naghanyag sa mga serbisyo nga naglakip sa information center, restrooms, charging stations, gasoline stations, lounge area, sleeping lounge, food shops or restaurants, dining area or picnic area, large parking space, souvenir shops, internet ug daghan pa.
Hisayrang kini ang nagsilbing ikaduha nga TRA sa Northern Mindanao region nga nahatag sa DoT diin ang pinakauna natukod sa lungsod sa Manolo Fortich,Bukidnon sa tuig 2022.
