CAGAYAN DE ORO CITY-Gisibog sa kapolisan ang kasong direct assault batok sa duha ka sundalo nga nagpakita sa pagsukol samtang gisitar sulod sa bus sa Manolo Fortich,Bukidnon sa miaging gabii.
Kini human nakahukom sila si PO2 Mar Torregosa ug PO1 Laurence Macalos gikan sa Manolo Fortich PNP nga dili na ihinayon ang kasong kreminal batok PFC Brian Anco ug PFC Armand Gentiles nga sakop sa 4th ID,Philippine Army.
Gibutyag ni Manolo Fortich Police Station commander C/Insp Ritchie Yandog nga dili ilang pulis ang nanumbag sa mga sundalo apan gikan sa mga sibilyan.
Una nang nangayo’g tabang ang bus driver nga si Jonard Solano tungod sa dili maayong taras nga gipakita sa nakainom nga mga sundalo hinungdan gisitar sa kapolisan.
Una nang mibati’g kadismaya ang liderato sa militar tungod sa gipakita nga bahin sa video nga viral sa social media nga gipugos pagpanakaug ang mga sundalo apan may misumbag niini ug mikulata pag-abot sa silong sa passenger bus niadtong Setyembre 19,2017.
