Gipangandaman na sa Office of the Ombudsman nga ibaligya ang duha-ka luxury cars ni kanhi Department of Public Works and Highways (DPWH) Engr. Bryce Hernandez nga nadawat sa ilang opisina gikan sa Independent Commission for Infrastructure (ICI).
Sumala ni Assistant Ombudsman Atty. Mico Clavano nga ang tumong sa pag-baligya mao ang pag-preserbar sa bili niini ug aron mabalik sa pondo sa nasud.
Matod ni Clavano, ang usa ka luxury car gibana-bana sa P35-milyon samtang ang usa pa kay P18-milyon.
Dugang pa ni Clavano, gina-susi pa sa Ombudsman ang legal remedies aron mabaligya kini tungod kay lahi kini sa kaso sa mga luxury cars sa mga Discaya nga nadakpan sa paglapas sa importation.
