(Update) CAGAYAN DE ORO CITY – Misaka pa sa duha ka residente ang kompirmadong namatay gumikan sa kalit nga pag-igo sa baha sa katawhang nanimuyo diha sa Brgy Bugo ning syudad.
Kini human nakurat ang kabanay ug mga silingan sa pagka-diskobrehe sa sobra 80 anyos nga lalaki nga nasangit na lamang sa payag-payag sa Purok 4 sa maong brgy.
Mismo si Bugo Punong Brgy Vic Talingting ang miila sa biktima nga si Isabelo Oclarit kinsa giingong nag-inusara na lamang sa pagpuyo sa ilang lugar.
Gibutyag ni Talingting nga unang gitoohan nga nadalikyat sa kabanay ang biktima apan natingala sila nga miabot na sa upat ka adlaw ug kini wala pa gihapon makabalik.
Sa mismong pagbaha sa miaging adlaw’ng Domingo sa hapon,patay ang usa ka kanhi sekyu nga si Artemio Gonzales samtang tinguha luwason ang iyang kaugalingong pamilya batok sa trahedya.
Hisayrang sa pag-igo sa baha sa maong mga brgy,aana sa dili mominus 600 ka pamilya ang apektado.
