Napagula na sa Commission on Elections ang show cause order sa batok sa mga kandidato nga nagpaluyo sa dugoong pag-apud-apud sa ayuda nga nagresulta sa stampede sa Barangay Tumaga, Zamboanga City.
Subay sa inisyal nga report, duha ka senior citizens ang patay human magkaguliyang sa pagtunol sa gi-ingong “advance allowance” sa mga poll watchers sulod sa usa ka hotel sa maong lugar.
Naila ang mga nakabsan nga sila Adelardo Solamillo, 65 anyos ug Norma Anuddin, 80. Maoy gipadad-an sa Comelec ang organizers ni Zamboanga incumbent Mayor John Dalipe, kinsa, magpapili isip mayor ang iyang amahan nga si kanhi congressman Jose Manuel Dalipe.
Gawas sa namatay, laing 14 ka tawo ang nadala sa hospital tungod sa stampede.
Una nang namahayag si COMELEC Chairman Atty George Erwin Garcia nga nakadawat ang ilang election officer sa maong lugar nga adunay vote buying sulod sa maong hotel ug kini gi-aksyonan sa kapulisan pinaagi sa pagpangulo ni Col. Fidel Fortaleza, hepe sa Zamboanga City Police Office.
