Luwas nga nakalabang sa Strait of Hormuz ang mga barko nga gisakyan sa 1,834 seafarer taliwala sa nagpadayong tensyon sa Amerika ug Iran sa maong teritoryo sa Gulf Region.
Kagabie, gi-anunsyo sa Department of Migrant Workers (DMW) ng sugod Abril hangtud Mayo ning tuiga, 59 ka barko nga nagdala sa 1,834 ka Filipino crew members ang luwas nga nakalabang sa Strait of Hormuz.
Lakip niini ang mga oil tanker, cargo ship, container vessel, ug uban pang komersyal nga barko nga nag-operate sa rehiyon.
Isip kabahin sa mas gipakusgan nga pagbantay, 17 pa ka barko nga posibleng molabay karong Mayo 25, 2026 ang ginasubay sa DMW, nga nagdala og hapit 300 ka Filipino seafarers.
Sa samang higayon, nagpadayon ang koordinasyon sa ahensya uban sa mga shipping companies, licensed manning agencies, ug uban pang ahensya sa gobyerno aron masiguro ang real-time nga update, tuloy-tuloy nga komunikasyon, ug dali nga pagtubag kung kinahanglan.
Gisiguro sa Department nga andam ang tabang ug suporta alang sa mga seafarers nga maapektuhan ug sa ilang pamilya. Sa samang panahon, padayon ang hapsay nga pagbantay aron maprotektahan ang kaayohan, kaluwasan, ug seguridad sa tanang overseas Filipino maritime workers.
