Gipangandaman sa Filipino Community ang pagbisita ni Presidente Ferdinand Marcos Jr ug ang mga delegado sa Pilipinas alang sa iyang tolo ka adlaw nga state visit sa Tokyo, Japan, ning adlawa.
Namahayag BOMBO International News Correspondent to Japan Jocel Palma nga bisan silang mga OWFs ug ang ilang asosasyon ang naniguro nga mahatagan sa igong seguridad ang gikatakdang pakig-abi-abi ni Presidente Marcos sa ilang komonidad.
Mapasalamaton ang grupo ni Palma nga nalakip sa sila sa travel itinerary sa pangulo taliwala sa iyang punsisok nga eskedyul sa pakigkita kang Prime Minister Sanae Takaichi, ug sa Emperador sa Japan nga si Naruhito, kuyog sa iyang kapikas nga emperatress Masako.
Una nang namahayag ang Department of Foreign Affairs nga sugaton si Marcos tag-as nga opiysal sa Tokyo Government ug halaran sa State Banquet sa emperado.
Gitakda niyang tambungan ang summit meeting tali Prime Minister Sanae Takaichi sa ika Mayo 27 kundiin ang ilang hisgutanan mao ang pagprayoridad sa maritime security, defense cooperation, energy resilience, ug pagpadaghan sa foreign investments.
Sa ikatolong adlaw, iyang mahinabi ang dakung negosyante nga nagpadagan sa baskog nga ekonomiya sa Japan ug enerhiya.
Target ni Marcos ma-secure ang partisipasyon sa Pilipinas sa Japan’s $10-billion POWERR Asia initiative alang energy security, ilabe nga ang tibook kalibutang padayong nagsagubang sa krisis sa lana ug enerhiya, epekto sa tensyon sa Gulf Region sa Middle East
