CAGAYAN DE ORO CITY – Nadakpan sa hiniusang operasyon sa tropa sa CIDG 10 ang duha ka aktibong brgy kapitanes nga mga akusado pagpatay sa pipila ka sakop sa lumad sa lungsod sa Don Carlos,Bukidnon.
Giila ni CIDG-Camiguin commander Police Capt Noel Oclarit ang mga dinakpan nga sila Mahahayay Punong Brgy Saturnino Cuesca ug Buyot Punong Brgy Roderick Cinco gamit ang warrant of arrest gikan sa korte samtang sila nagtagu-tago sa Brgy San Insidro,Talakag,Bukidnon.
Gibutyag ni Oclarit nga sila ang gitumbok nga nalamigit sa pagpusil patay sa duha ka IP members nga sila Wenedredo Sumael ug Raffy Alim nga pulos taga-lungsod sa Don Carlos sa miaging katuigan.
Hinoon,wala nagpakita sa pagsukol ang duruha samtang gisilbi ang warrant of arrest batok kanila kagahapon sa hapon.
