Gisaway ni Emmanuel Espinosa, presidente sa Bonbon Drivers Association (BONODA) ang palpak nga MOdernazation Program sa tuig 2017 ug pag-apud apud sa fuel subsidy sa Land Transportation Franchising and Regulatrory Board (LTFRB) ug sa cash subsidy gikan sa Department of Social Welfare and Development (DSWD).
Namugos si Espinosa nga nalibog sila’g maayo sa implementasyon sa duha ka ayuda ug mi-akusar sa LTFRB-10 nga maoy nakadugang sa kasamok.
Mi-angkon si Espinosa nga bisan tag 5000 pesos ra ang alokasyon sa subsidiya sa lana alang sa tradisyonal nga jeepney drivers, daghan pa gihapon ang wala makadawat kanila, labaw na sa dugang ayuda gikan sa DSWD.
Dismayado usab ang ilang grupo sa “pinili system” nga gipatuman sa ahensya.
Wala usab ganahi ang ilang pundok sa pag require kanila nga modownload sa e-wallet kay dili sila sinati niini, ug mas gusto nilang makadawat sa “cash ayuda” nga ibayad sa pagpatubil sa lana sa ilang mga sakyanan.
