CAGAYAN DE ORO CITY, Philippines – Garbo sa Metro Manila ang makasaysayanong kadaugan ni Juvyel Anne Saluta, isip Miss Elite 2024.
Ang coronation night sa prestihiyosong kompetisyon gipahigayon sa Somabay, Red Sea, Egypt, kundiin si Saluta pa lang ang labing unang Pinay Beauty Queen nga misakmit sa maong titulo.
Gitunol kaniya ni Miss Elite 2023 Mejreme Hajdaraj sa Kosovo ang korona.
Gawas sa iyang bag-ong titulo, hawid usab sa 20 anyos nga dalaga ang pasidungog sa Best Smile.
Mikabat sa 34 ka mga kandidata sa tibook kalibutan ang naka-abot sa coronation night kundiin, misegunda kaniya sila Victoria Maneiro sa Venezuela isip 1st Runner-Up, Miss Spain Irene Grande – 2nd Runner-Up, Miss Mexico Sofia Gonzalez – 3rd Runner-Up, ug Tawana Sheldrick sa Indonesia isip 4th Runner-Up.
Una niini, nadag-an ni Juvyel ang Miss Manila 2023 human niya gi-representar ang Pandacan.
Nahimo usab kining representante sa Hiyas ng Pilipinas, usa ka national organization ug kompetisyon nga naghighlight sa kaanyag, ug maayo nga kinaiya sa mga kandidata.
Nakasulod sa Miss Elite Competition si Juvyel human siya ang midaug sa Hiyas ng Pilipinas.
Nasugdan ang Miss Elite Competition pinaagi sa naporma nga organisasyon niadtong 2021.
