CAGAYAN DE ORO CITY – Gisugyot sa kapolisan ug militar ngadto sa Commission on Elections 10 nga ipaubos sa areas of immediate concern ang inisyal nga 23 ka brgy nga nakabase sa primiro ug segundo distrito sa Misamis Oriental.
Gihimo ni Misamis Oriental Provincial Police Office deputy provincial director for administration Police Lt Col. Ariel Philip Pontillas atol sa Kapihan sa PIA 10 sa usa ka mall ning syudad kagahapong adlawa.
Miingon si Pontillas nga gibasehan nila sa maong status ang presensiya sa rebeldeng CPP-NPA ug ang kanhi mga engkuwentro sa nahisgutang mga lugar.
Siya miingon nga daghan sa area of immediate of concern ang gikan sa primiro distrito sa lalawigan.
Hinoon,mahimo pang mausab ang maong ihap sa mga brgy samtang magkaduol ang brgy ug sk elections sa Oktubre ning tuiiga.
Samtang gi-aktibo na sa 4th Infantry Division,Philippine Army ang ilang Task Force Secured Accurate and Fair Election o SAFE ubos sa ilang area of responsibilites.
Kini agi’g timbang sa kapolisan nga pulos gi-deputized sa Comelec 10 aron mahimong hapsay ug malinawon ang paglusad sa brgy ug sk elections ning tuiga.
Miingon si 4th ID spokesperson Maj. Francisco Garello Jr nga samtang aktibo ang task force,ipalig-on usab nila ang ilang combat operations sa mga bukiran aron dili makalugar sa pagpanghasi ang CPP-NPA rebels ngadto sa mga sibilyan ug mga kandidato.
Samtang hatagan lang sa Commission on Elections sa 72 oras ang mga kandidato pagtangtang sa ilang illegal posted nga campaign materials via facebook o mga gidili sa omnibus election code sa nasud.
Kini ang pagpadumdom ni 1st District City Election Officer Atty. Joel Dexter Nagtalon sa tanang mga kandidato nga molambigit sa brgy ug sk elections sa Oktubre ning tuiga.
Miingon si Nagtalon nga angayang likayan sa mga kandidato ang bisan unsa nga lakang nga konektado sa premature election campaigning aron dili sila mag-atubang sa disqualification case o kasupakan sa election laws sa nasud.
Hisayrang wala pa tugti ang mga kandidato makahimo’g pagpangampanya sa ilang kandidatura ning tungura.
