Ipa-ubos sa life style check sa Office of the Ombudsman ang pipila ka mga magbabalaod nga gibansaga’g “Cong-tractors”.
Namahayag si Assistant Ombudsman Atty. Mico Clavano nga susihon kini sa “government watchdog” aron makita kon adunay posibleng paglapas sa balaod.
Gibutyag ni Clavano nga aduna na’y grupo nga gipahimutang aron imbestigahan ang Statement of Assets, Liabilities, and Networth (SALN) sa 26 ka “Cong-tractors” human makadawat sila sa bag-ong listahan sa mga gituohang nalambigit.
Gipasabot ni Clavano nga klaro nga gidili sa 1987 Philippine Constitution, Article VII, Section 14 ug sa Republic Act No. 6713 ang mga Kongresista nga mahimong contractor, diin ang paglapas niini mahimong mosangpot sa administrative sanctions, disqualification, ug criminal liability.
